Um middagsleitið í morgin fær Klaksvík vitjan av ferðamannaskipinum MS Balmoral. Ferðamannaskipið hevur 1.214 ferðafólk og saman við manningini telja tey 1.738 fólk.
Skipið fer at liggja í Norðhavnini og bussar fara at koyra til Klaksvíkar við ferðafólkunum, sum ikki fara útferðir. Meginparturin av ferðafólkunum á hesum skipinum eru bretar.
Í samband við vitjanina hjá MS Balmoral fer Klaksvíkar Dansifelag at dansa føroyskan dans á torginum uttanfyri Norðoya Kunningarstovu klokkan 17.
Skipið kemur á Norðhavnina klokkan12:30 og fer avstað aftur klokkan 20:30.
