Næmingar á Skúlatrøð vitjaðu á redaktiónini fyrrapartin
Onkur av næmingunum kenna væl stjóran á Norðlýsinum og tískil varð ein vitjan gjørd. Norðlýsið verður ofta nevnt í flokshølunum.
Børnini eru sera fitt, tey fingu ein slikkipinn frá Norðlýsinum. Síðani var ein felagsmynd tikin og aftaná fingu tey eitt sunkist í part.
Hesa tíðina er ymiskt øðrvísi á skránni enn undirvísing í flokshølunum. Í gjár vóru tey øll uppi á Klakki og í dag vitja tey Norðlýsið.
Øll børnini gleða seg at fáa summarferiu, sum byrjar nú fríggjadagin. Tey hava haft eitt gott fyrsta skúlaár, siga lærararnir.
