Danmark: Lars Løkke Rasmussen sigur, at kommunurnar eiga at fáa 25.000 krónur fyri hvørt flóttafólk, sum kemur í arbeiði.
Danmark: Lars Løkke Rasmussen sigur, at kommunurnar eiga at fáa 25.000 krónur fyri hvørt flóttafólk, sum kemur í arbeiði.
Tað sigur hann við Jyllands-Posten í kjalarvørrinum av samráðingunum við partarnir á arbeiðsmarknaðinum og samráðingarnar við kommunurnar við stjórnina, sum byrja í dag. – Galdandi við fyri báðar samráðingarnar er, at integratión-spurningurin skal koma nærri eini felags loysn.
Mjadnaskurðviðgerðirog flóttafólk
Forsætisráðharrin hevur lagt út við, at kommunurnar skulu fáa 25.000 krónur fyri hvørt flóttafólk, sum kemur í arbeiði. Lars Løkke gjørdi eitt líknandi í 2002, tá ið hann var heilsumálaráðharri. Tá fingu heilsuøki í landinum pengar fyri, at klára so nógvar mjadnaskurðviðgerðir sum møguligt.
– Tað er munur á at skurðviðgera mjadnar og at fáa flóttar í arbeiði, men grundleggjandi er hetta sami hugsanarháttur, sigur forsætisráðharrin við Jyllands-Posten.
Kommunurnar ivast í, um hetta er rættasta inntrivi at gera. Tað er millum annað hetta, sum støða skal takast til, tá ið samráðingarnar byrja í dag.
Danski Fólkaflokkurin togar í
Danski Fólkaflokkurin við Kristian Thulesen Dahl á odda standa í hinari leguna og tátta í endarnar. Fyri at fáa politikkin hjá stjórnini gjøgnumførdan, má tað sílast í gjøgnum Danska Fólkaflokkin. Og Kristian Thulesen Dahl sparir ikki upp á krøvini, nú týdningarmiklar samráðingar standa fyri framman:
– Ítøkiliga ímynda vit okkum, at um semja fæst um sáttmálaviðurskiftini – við almennum studningi – kundu vit innifryst 20 prosent av lønini, flóttafólki fær, á eini konti. Hesir innifrystu pengarnir verða útgoldnir til eina heimreisu, ja í roynd og veru eina ’heimsending’, sigur Kristian Thulesen Dahl við Jyllands-Posten.
– Vit leggja altso upp til, at tað má vera ein verulig ’heimsendingar-strategi’, um vit yvirhøvur skulu vera partur av hesum.
Samráðingarnar byrja seinnapartin í dag.
