Looknort hevur evnað til ein flamingokassa, ið tekur 340 litrar, sum lastar 250 kg. Kassin sera væl egnaður til flutning av stórum fiski, eitt nú kalva.
Árni Skaale, stjóri á Looknorth sigur við Norðlýsið, at teir eru ovfarnir av stóra áhuganum fyri nýggja kassanum á Fish Fair framsýningini á Hálsi í Havn.
Sum sagt er kassin sera væl egnaður til fluttning av stórum fiski og eisini síggja menn ein møguleika í hesi nýggja flutningsílati tá talan er um sokallaðar off-track útfluttningsvørur, við tað at útflytarar við at nýta flamingokassar í staðin fyri teir traditionellu ikki noyðast at hugsa um at fáa kassarnar aftur.
Kassin er gjørdur til kontainarafluttnings, soleiðis at hann passar inn í kontainarar og hevur tí ikki kendu europaplattamát.
Stødin á kassanum er: hæddin, við loki, 65 cm, breidd 80 cm og longd 117 cm.
