Nýggi landsstýrismaðurin í mentamálum, Jógvan á Lakjuni, er komin í fokus eftir at bispur í fjølmiðlunum harmast um at ein sum ikki er limur í Fólkakirkjuni er settur at umsitað fólkakirkjuna.
– Eg eri útnevndur av løgmanni at umsita fólkakirkjuna vegna løgtingi og føroya fólk. Tí er heilt burtur við at halda at eg av mínum eintingum ætli at fremja broytingar í kirkjuni.
– Eg ætli mær heldur ikki út í nakra orðaskiftið um henda spurning í fjølmiðlunum men fari saman við løgmanni á fundi við Hans Jacob Joensen, biskup, har vit fara at umrøða mál sum viðvíkja fólkakirkjuni, sigur landsstýrismaðurin í stuttari viðmerking til Norðlýsið.
