Í morgun var tíðindafundur í Norðoyasparikassa har fyrireikararnir aftan fyri Summar Festivalin 2004, Steintór Rasmusen og Eyðun Klakstein, greiddu frá tiltakinum.
Eisini var Gunnar Nolsø, marknaðarleiðari hjá Norðoya Sparikassa, umboðandi Sparikassan við á fundinum. Sparikassin er ein av høvuðssponsorunum aftan fyri tiltakið umframt at Sparikassin á annan hátt fer at stuðla tiltakinum
Í døgunum frá 12. til 15. august 2004 verður Summar Festivalur fyri fyrstuferð hildin í Klaksvík. Á skránni eru konsertir inni og úti. KÍ høllin verður karmur um fleiri spennandi tiltøk alt vikuskiftið, Atlantis skal hýsa onkrum tiltøkum, og á Vágsbø verður rimmar uttandurakonsert leygardagin 14. august. Hetta er stórsta tónleikatiltak í Klaksvík nakrantíð.
Ein rúgva av kendum bólkum
Nøkur av teimum bestu føroysku tónleikanøvnunum fara at spæla á festivalinum.
Fleiri bólkar koma eisini úr útlondum, og millum annað fer rocklegendan Ken Hensley at spæla við sínum bólki, Boney M fer at syngja síni heimshitt, og Gunnar Mikkelsen fer at framføra nýggja tónleikin hjá sær.
Hesi og onnur verða við.
Ken Hensley (UK) legendariski sangskrivarin í Uriah Heep.
Boney M (D) hittmakarar av tí aðru verð, haavt nógvar landaplagur í Føroyum.
Hans Inge Fagervik (NO) kendur fyri millum annða sangin um Mariu.
Kjell Samuelson (SE) ein av Samuelson-brøðrunum, syngur gospel.
Gunnar Mikkelsen (DK) hálvføroyski poppsangarin, sum er á toppinum í Danmark.
Hanus G. Johansen livandi føroyska legendan, sum aftur fer at syngja í heimstaðnum.
Frændur fremsti føroyski tónleikabólkurin seinastu 20 árini.
Hjarnar eitt tað størsta navnið í føroyskum rocktónleiki nakrantíð.
All That Rain lívligur og væl spælandi rockbólkur, sum skrivar sínar egnu sangir.
Sigrid Rasmussen ein framúr songkvinna, sum bergtekur á sínum konsertum.
Brandur Enni tannáringurin við teimum løttu og fangandi poppsangarunum.
Arnfríð Lutzen fantastisk songkvinna, sum spennir víða við síni rødd.
Meiri upplýsingar um festivalin eru at vinna á: www.summarfestivalur.fo
