Tað var Jákup Olsen, formaður í felagnum, sum sjálvur handaði Agnari heiðursgávuna ídag.
Føroya Felag móti Krabbameini var av fyrstan tíð stovnað av Lionsfeløgum í Føroyum og fyri felagið í Klaksvík, varð Agnar á Dul valdur í nevndina og hann hevur sitið í nevndini í samfull 25 ár. Agnar er einasti limurin av upprunaligu nevndini, ið framvegis er virkin í nevndini.
Jákup Olsen handaði Agnari heiðursgávuna við hesum orðunum: "Vit í Føroya Felag Móti Krabbameini vilja hervið takka tær fyri títt arbeiði í felagnum hesi 25 árini. Takk fyri gott samstarv, góðan stuðul og gott vinarlag.
Við vón um framhaldandi gott samstarv."
