Um góðar tvær vikur verður fyrsta FM stevnan í árinum, Norðoyastevnan.
Tað, ið verður sermerkt á Norðoyastevnu hesu ferð, er at trý róðrarfeløg úr Norðoyggjum aftur fara at luttaka í FM róðurinum. Talan er um Norðdepils-Hvannasunds Róðrarfelag (NHR), Árnafjarðar Róðrarfelag
(ARF) og Klaksvíkar Róðrarfelag (KRF). At áhugin er vaksandi, kemur óiva av teimum góðu úrslitinum, sum NHR og KRF hava staðið fyri tey seinastu árini. Í 2000 luttóku tríggjar manningar úr Norðoyggjum í FM kappingini, ímeðan talið fyri 2005 verður ellivu manningar. Ein kann ikki annað enn frøðast um slíka framgongd.
