Ídag kl. 18 var lítil samkoma í Norðoyatunlinum, har Føroyakonsortiið fyri fyrstu ferð alment vísti fram kreativu ljóssetingina, sum Tróndur Patursson hevur staði fyri.
Tað verður ein hugnalig uppliving at koyra ígjøgnum Norðoyatunnilin, tí har tunnilin er lægstur er gjørd ein 500 metrar long ljóssamanseting ið ger túrin til eina kreativa uppliving eisini.
Tróndur Patursson hevur staðið fyri kreativa partinum, og sum altíð er hann komin sera væl frá hesum. Ljósspælið á vegginum í tunnlinum tekur fram stóra bygningsverkið og setir fokus á náttúrutilfarið í tunlinum.
