Tað hevur gingið væl hjá Atlantic Navigator, síðani hann kom í føroyska flotan, og ídag hava tey millum annað hugna sær fram við landi norðanfyri.
Atlantic Navigator undir Ennibergi
Svartkjaftaverksmiðjuskipið Atlantic Navigator liggur í kvøld undir Ennibergi og ger klárt til at koma inn í nátt. Skipið verður væntandi í Ánunum klokkan 04.00 týsmorgunin.
Hetta er fimti túrur, ið Atlantic Navigator ger, síðani skipið kom í føroyska flotan, og ikki kann sigast annað, enn at fiskiskapurin hjá skipinum hevur roynst stak væl.
Hendan túrin seta teir met í fiskiskapi. Veiðan er góð 1.400 tons av frystum surimi, og mjøllastin er góð 500 tons.
Í góðveðrinum hava myndamennirnir umborð, Bergur Mikaldal og Jógvan Eliassen verið ein túr við MOB-bátinum og tikið nakrar myndir til okkara. Við sær á túrinum fingu teir nøkur vøkur sprund, Rothu Poulsen og Elsu Frederikssen úr Klaskvík, Joan Hansen úr Runavík og norsku Jórunn Sleiri, ættað úr Fuglafirði í móðirætt.
Skipari á myndatúrinum var stýrimaðurin Heri Henrikssen, ið eigur mangan túrin undir bergin
um úr ættarbygd síni Viðareiði.
Skipari á mettúrinum er Lion Petersen og framleiðslustjóri er Petter Aune.
Vælkomin heim
