Mánadagin 12. februar 2007 gevur Frímerkjadeildin út nýggj frímerki.
Út kemur eitt frímerkjaark við tíggju frímerkjum, ið lýsa søgnina um kópakonuna. Edward Fuglø hevur teknað myndirnar.
Tvey frímerki av gomlum steinprentum verða somuleiðis givin út. Upprunaligu steinprentini stava frá 1839 og eru frá eini franskari rannsóknarferð í Norðuratlantshavi.
Fyrra myndin sýnir rannsóknarskipið “La Recherche” við Nólsoynni í baksýni meðan hin myndin er av Skælingsfjalli.
Frímerkjadeildin hevur lagt til rættis.
"Alduorka" er heitið á seinasta frímerkinum á hesum sinni. Hetta er ein felags frímerkjaútgáva saman við Íslandi og Grønlandi, har evnið "umhvørvisvinalig orka" verður lýst. Føroyska ískoytið lýsir alduorku, meðan tað íslendska og grønlendska ávikavist lýsa jarðarhita og vatnorku.
vinaliga
Frímerkjadeildin
