Á flokstinginum blivu vinnararnir av ritkappingini sum Tjóðveldisflokkurin skipaði fyri avdúkaðir, virðislønirnar vóru handaðar seinnapartin leygardagin 24.mars.
Turið Sigurðardóttir handaði virðislønirnar á ávikavist tíggju – fimm og tveytúsund krónur.
Fyrstu virðisløn fekk Dávur í Dali fyri yrkingina “ Mín dreymur um einar sjálvstøðugar Føroyar”.
Aðru virðisløn fekk Tjóðhild Patursson fyri stuttritið “Tað fleirlitta hjartað”.
Triðju virðisløn fekk Regin Berg fyri stuttritið: “Eg droymi eisini um eitt pappírsleyst samfelag”.
Um rithøvundarnir vilja, verða innlætnu ritini at lesa her á heimasíðuni. Møguliga er ætlanin at geva øll ritini út, men støða er ikki tikin til tað enn.
Tey sum mannaðu dómsnevndina vóru:
Turið Sigurðardóttir
Petur Pólson
Rúni Nielsen
Óluvá Klettsgarð
Sjúrður Gullbein
Tjóðveldisflokkurin takkar øllum teimum sum sendu rit inn og sjálvandi eisini teimum sum vildu vera við í dømingini av innkomnu ritunum.
