Á skrivstovuni hjá felagnum har venjarar, dómarar og umsiting felagsins heldur til er eitt sindur friðarligari enn vanligt, skrivar KÍ heimasíðan í morgun.
Á talvuni standa enn seinastu notatini hjá fyrrverandi høvuðsvenjaranum, sum vóru gjørd undan dystinum sunnudagin ímóti GÍ.
Omanfyri talvuna er klokkan steðga kl.16:45 tá lagna Tony Paris varð avgjørd.
Í dag er ein nýggjur dagur og maður kemur í mannsstað.
Um eina løtu fer Trygvi Mortensen at viska noturnar hjá Tony burtur og so byrjar ein nýggj tíð.
Battarríði í klokkuni verður skift og klokkan á vegginum fer aftur at siga leikarum, leiðarum og venjarum hvør tíðin er vit liva í.
Ítróttarvitin brennur bjartur í hvørjari KI sál!
Kelda: www.ki.fo
