Við einum 25-24 sigri í høllini í Vestmanna bardi Team Klaksvík seg uppaftur á næst ovasta plássið á stigatalvuni í 1. deild, sum gevur dystir um uppflyting í Atlantic Airways deildina.
Team Klaksvík hevði framman undan hesum dystinum sunnudagin í Vestmanna tapt tveir teir seinastu dystirnar báðar við einum máli.
Tí mundi tað smakka klaksvíkingum væl, at hepnið hesa ferð var í parti við teimum, soleiðis at tað nú var tørn hjá Team Klaksvík at VINNA við einum máli.
Sigurin var eisini týdningarmikil í oddastríðnum í 1. deild, har Team Klaksvík er í harðari kapping við StÍF um annaðplássið, sum gevur uppflytingardyst.
Fyri StÍF og hini liðini í 1. deild er spurningurin um uppflyting óaktuellur, tí burtursæð frá Team Klaksvík so hava øll liðini í hesi deildini eisini eitt fyrstalið, sum leikar í Atlantic Airways deildini.
Sambært kappingarskránni á heimasíðuni hjá Hondbóltssambandinum er næsti dystur hjá Team Klaksvík sunnudagin tann 17. februar 2008 í Badmintonhøllini.
Eftir tað eru hesir dystir afturat í inniverandi kapping:
24/2: Team Klaksvík – Kyndil (enn einaferð)
27/2: StÍF – Team Klaksvík
2/3: Neistin – Team Klaksvík
9/3: Team Klaksvík – VÍF
15/3: Kyndil – Team Klaksvík
Støðan á stigatalvuni í 1. deild er í løtuni henda:
1) H71 12 dystir +113 mál 22 stig
2) Team Kl. 13 dystir + 19 mál 16 stig
3) StÍF 13 dystir + 5 mál 15 stig
4) Neistin 14 dystir – 84 mál 11 stig
5) VÍF 14 dystir – 22 mál 8 stig
6) Kyndil 14 dystir – 31 mál 8 stig
