Sunnudagin fær Stjørnan vitjan av StÍF, sum seinasta vikuskifti mundi koppa VB. Dysturin er seinasti heimadystur hjá Stjørnuni undan finaluumfarinum. Dysturin byrjar kl. 15:00.
StÍF er eitt lið við ungum evnaríkum leikarum. Hóast tær liggja í niðara enda á stigatalvuni, so hava tær fleiri dysti rættiliga bitið frá, og tað gav at býta seinasta vikuskifti, tá tær á heimavølli bert taptu við einum máli móti VB. Tað stendur onki uppá spæl hjá hvørgum av liðunum, Stjørnan hevur leikt seg í fm-finaluna, og StÍF rykkir ikki niður. Lagt er sostatt upp til ein spennandi og undirhaldandi dyst.
