Í kvøld 4. apríl kl. 20:00 fer álendski bólkurin Skrå at halda konsert í Atlantis í Klaksvík.
Álendski bólkurin, sum higartil hevur givið tvær fløgur út, varð settur á stovn í 2003. Hann hevur seinastu árini verið sera virkin í Álandi, umframt at limirnir eisini hava verið í Svøríki, Finnlandi, Russlandi og Føroyum og hildið konsertir, sum hava fingið góð ummæli.
Manningin telur fýra ungar mans: Alexander (percussion), Andreas (violin), John (violin) og Jochum (gittar).
Atgongumerki á kr. 80,- fáast á Shell-støðini í Klaksvík, og í Atlantis ½ tíma áðrenn konsertina.
