Enn einaferð vísti Liverpool sína styrki í altjóða fótbólti – Heimsins besta fótbóltsstadion er Anfield og veggir og loft ristust meðan tromhindir í tíggjutúsindatalið stóðu til at bresta – tá siðursálmar rungaðu um leikvøllin.
Teir reyðu hjá Rafa Benitez framdu enn einaferð eitt Champions League bragd eftir at teir ikki minni enn tvær ferðir vóru í vanda fyri at sita eftir sum taparar.
Næsti dystur er triða semifinalan í fýra ár – har mótstøðuliðið er Chelsea og hvør torur nú at vedda móti Liverpool?
Hondina á hjartað! – Løtuna eftir at Arsenal hevði javnað til 2-2 sá svart út hjá Liverpool, men Venger, Hilmar Jan & Co. høvdu neyvan fingið armarnar niður eftir útjavnandi málið tá dómarin dømdi eitt upplagt brotsspark til Liverpool.
Liðskiparin hjá Liverpool, Steven Gerrard livdi upp til áltið og legði Liverpool fram um 3-2, og so vóru Benitez, Jan Joensen/Andreasen & Co. aftur á veg út í Evropa.
Vónirnar hjá hart kroystu Arsenal fjeppara fjøldini, sløktust endaliga tá Babel sleyt seg leysan og fór einsamallur móti málinum og skoraði til endaliga úrslitið 4-2 til Liverpool.
Norðlýsið ynskir øllum Liverpool viðhaldsfólkum í Føroyum hjartaliga tillukku við sigrinum sum var uppiborin.
0-1: Abou Diaby, 13
1-1: Sami Hyypia, 30
2-1: Fernando Torres, 69
2-2: Emmanuel Adebayor, 84
3-2: Steven Gerrard (br.), 85
4-2: Ryan Babel, 90.
