Á býráðsfundinum hóskvøldið tann 19. juni samtykti Klaksvíkar Býráð at játta Kr 400.000,- í stuðli til nýggja heimið, sum Blái Krossur Føroya ætlar at byggja á Nesi í Eysturoynni.
Tað er nokkso rúm tíð síðan, at heimasíðan hjá Bláa Krossi Føroya, www.blakross.fo, skrivaði, at Blákrossheimið, sum í nógv á hevur verið í Tórshavn, flytir haðani og inn á Nes í Eysturoynni.
www.klaksvik.fo skrivar, at Klaksvíkar Kommuna, eins og allar kommunur í Føroyum, hevur móttikið umbøn um fíggjarligan stuðul til bygging av nýggjum Blákrossheimi.
Søkt verður um Kr. 400.000,- í stuðli frá Klaksvíkar Kommunu.
Sosiala Deild vísir á, at talan er um eina verkætlan, sum eisini kemur okkara borgarum til gagns.
Sosiala Nevnd mælir á fundi tann 11. juni til at geva tilsøgn um stuðul upp á Kr. 400.000,- sum fellur til gjaldingar, tá ið byggingin er liðug, og Fíggjarnevndin tekur á fundi 16. juni undir við Sosialu Nevnd.
Á býráðsfundinum hóskvøldið tann 19. juni samtykti býráðið at taka undir við tilmælinum, og at tilsøgnin verður galdandi í 5 ár.
