Heri Ellingsgaard, umsjónarmaður á Klaksvíkar Sjúkrahúsið sigur, at ætlaðu sparingarnar á Klaksvíkar Sjúkrahúsið merkja at ferðin á Sjúkrahúsinum sum heild verður sett niður
Politiski myndugleikin hevur álagt Klaksvíkar Sjúkrahúsi at spara tvær milliónir krónur í rakstrinu í ár, og tá einans seks mánaðar eru eftir av árinum kemur hetta at merkjast allastaðni, sigur Heri Ellingsgaard, umsjónarmaður.
– Tað er bara hálvt ár eftir av hesum fíggjarárinum og tí er tað sera avmarkað hvat vit fáa gjørt fyri at fremja áløgdu sparingarnar.
– Tað verður ikki aktuelt at siga fólki úr starvið, tí hetta er tíðarkrevjandi og kemur ikki at merkjast í hesum fíggjarárinum.
– Hinvegin so hava vit útsett ymisk arbeiði, sum ætlanin var at gera og vit seta samlaðu ferðina á sjúkrahúsinum niður.
– Tað merkir m.a. at deildir verða samanlagdar og stongdar í eitt longri tíðarskeið og tað, sum kann bíðja sleppur at bíðja.
– Við at minkað um ferðina á øllum frontum, fáa vit vunnið nakrar krónur, men eg trúgvi ikki at vit megnað at haldað okkum innan fyri ásetta fíggjarkarmin – tí komið er so langt út á árið.
Heri Ellingsgaard situr í løtuni og orðar eitt bræv til landsstýrismannin um ætlaðu sparingarnar.
