Næmingar á Klaksvíkar Sjómannsskúla hava gjørt eina veðurforsøgn sum sigur at vit kunnu rokna við frægari veður um vikuskiftið hóast nógvan vind í dag.
Eitt lágtrýst, 950 hpa, liggur í ein landsynning úr Íslandi, og fer í ein vestan. Tað grynnist, og tilhoyrandi brúgvaløg hava regn við sær.
Veðrið fríggjakvøldið:
Strúkur í vindi 10-15 m/s av landsynningi og nakað av regni. Hitin verður um 6 hitastig. Seinni út á náttina minkar hann vindin niður í lot 2-5 m/s av landsynningi.
Leygardagin á middegi eitt lot av suðri, 3-5 m/s. Fyri tað mesta turt, men seinni út á dagin møguliga okkurt æli. Hitin verður um 7 hitastig.
Leygarkvøldið á middnátt verður eitt lítið lot 2-3 m/s av landsynningisuðuri. Hitin verður undir 5 hitastig. Einki avfall og gott sýni.
Á døgverða sunnudagin, verður eitt lítið lot, 2-3 m/s, av ymsum ættum. Hitin verður undir 5 hitastig. Tað verður turt og kanska onkur sólglotti.
Sunnukvøldið á midnátt eitt lítið lot, 2-3 m/s. Ættin verður landsynningureystan. 5 hitastig og nakað av regni. Fram til mánamorgunin veksur hann vindin upp í frískt lot til frískan vind, 6-8 m/s, av vestri – hitin verður undir 5 stig, fyri tað mesta turt.
