Knud Simonsen, havfrøðingur, Náttúruvísindadeildin á Fróðskaparsetur Føroya. Í kvøld kl. 19:30 á bókasavninum í Klaksvík
Streymkort frá teldusimuleringum, fiskimiðasøvn og bátakunnleiki er savnaður í eina telduskipan, sum er ætla at verða hent kunning hjá teimum, ið dáma at fara á fjørðin av og á, men eisini útróðrarmenn hava sýnt skipanini áhuga. Grundarlagið undir skipanini er frá áralangum virksemi á Fróðskaparsetrinum og á Fiskirannsóknarstovuni, sum er runnið saman við stóra bátaáhuganum hjá nøkrum einstaklingum og virkjum. Í framløguni verður greitt frá grundarlagnum undir nýggju HÚK-skipanini og hvussu hon virkar.
