Skáin fyri ársins sjómannadag byrjar longu hóskvøldið og ikki er ov nógv sagt at ársins Sjómannadagur verður tann mest umfatandi higartil.
Hósdagin kl. 16 byrjar føroyasjómannadagur við almennari móttøku í deildini hjá EIK í Klaksvík. Her verða modellskip hjá listamanninum Hans J. Fuglø sýnd fram og borgarstjórin setur framsýningina.
Síðani fer ein drúgv skrá av bakkastokki við m.a. stórari fiskikapping á Kósabrúnni fríggjadagin.
Leygardagurin er Stangabrúgvin sentrum fyri ársins sjómannadegi og umframt forvitnisligar vitjanir av sluppum, træbátum, havransóknarskipið o.ø eru listaframsýningar, kappingar o.a. mangt á skránni.
Alt ókeypis.
Av upplingum til børn og vaksin kunnu vit nevna rógving við jollum – Action á Sjónum har fólk verða sleipaði eftir Vánni á pútum av skjóttgangandi báti. Acton í luftini – er rennistrongur har fólk kunnu skreiða út á Vánna o.a. mangt. Alt ókeypis takka verið einari rúgvu av sponsorum sum verða almannakunngjørdir á ársins sjómannadegi.
Sí skrá við at trýsta her
www.sjomannadagur.fo
