Tað er ikki rætt at landsstýrið stongir sjómannskúlan í Klaksvík, sigur Bjørn Kalsø, fíggjarnevndarlimur
– Á fíggjarlógini fyri 2010 eru játtaðar umleið 4 mill. krónur til rakstur av sjómannskúlanum í Klaksvík.
– Eg síggi at landsstýriskvinna hevur valt at seta játtanina til sjómannskúlan á eina undirkonto saman við øllum hinum maritimu útbúgvingunum.
– Spurningurin er um tað er rætt at Sjómannskúlin ikki er á eini høvuðskonto fyri seg sjálvur, sum hann hevur verið higartil og tann spurningin fara vit at viðgerða í fíggjarnevndini.
– Eg kenni einki til at samgongan ætlar at stongja sjómannsskúlan – og tað hevði undir ongum umstøðum verið góðtikið.
