Vit dagføra, tá nakað spennandi hendir. Fróði Benjaminsen spælir frá byrjan hjá NSÍ.
Líkindini eru av teimum bestu og at síggja til spæla bæði liðini við sterkum liðum í dag. Dómari er Janus Fossdalsá, meðan Árni Rasmussen og Kristian Gunnar Joensen eru linjuverjar.
B36 byrjar við hesum liðnum (4-3-3): Rói M. Hentze – Erlendur Magnussen, Odmar Færø, Bjarni Petersen, Jóhan Eiler Simonsen – Robert Heðin Brockie, Hugin Samuelsen, Lukasz Cieslewicz – Christian R. Mouritsen, Kaimar Saag, Meinhard E. Olsen
NSÍ byrjar við hesum liðnum (4-4-1-1): Símun Rógvi Hansen – Bárður J. Hansen, Jóhan T. Davidsen, Jens Joensen, Einar Tróndargjógv – Árni Frederiksberg, Fróði Benjaminsen, Pól Jóhannus Justinussen, Jann Benjaminsen –Betuel Hansen, Klæmint A. Olsen.
16 min.: 0-0 í einum jøvnum dysti higartil. Bæði liðini royna at leypa á.
26 min.: 1-0 til B36. Kaimar Saag leggur bóltin til Christian R. Mouritsen, ið skorar við vinstra beininum.
31 min.: 1-1. Árni Frederiksberg sendir hornaspark til Pól Jóhannus Justinussen, sum skallar í málið.
41 min.: 2-1 til NSÍ. Jann Benjaminsen legði innfyri úr vinstru og Klæmint A. Olsen skallaði bóltin í málið.
Hálvleikur: 2-1 til NSÍ. Talan er um javnan dyst, men NSÍ hevur kanska havt munin í spæli og møguleikum. Fróði Benjaminsen hevur spælt sum verjukendur miðvallarleikari og tykist vera væl fyri, hóast hann ikki er byrjaður fyrr enn nú.
63 min.: Framvegis 2-1 til NSÍ. B36 situr meir á spælinum nú. Bæði liðini hava gjørt nakrar útskiftingar.
67 min.: Hugin Samuelsen hevði stóran møguleika eftir innlegg, men bólturin fór mitt á Símun Rógva Hansen.
81 min.: Petur Knudsen hevði júst nú eina roynd á, sum Rói M. Hentze bjargaði á stongina og út. Nær við 3-1.
Liðugt: Tað endaði 2-1 til NSÍ, sum sostatt endaði á 3. plássi í Klaksvíkskappingini. Talan var um javnan dyst og møguleikar vóru til fleiri mál enn tey trý sum komu í góðveðrinum í Klaksvík.
