Fyrrverandi KÍ málverjin og fótbóltsviðmerkjarin John William Joensen heldur, at tað er nakað serligt, tá HB og KÍ møtast.
John William Joensen hevur spælt fleiri ferðir í hesum dystum og hevur eisini skrivað nógv um hesar dystirnar.
– Søgan hevur nógv at siga. Hetta er størsti býður móti næststørsta býði. Hetta eru liðini, sum hava vunnið mest. Fyri nøkrum árum síðani lá KÍ á odda yvir FM heitir, men í løtuni hevur HB ta leiðsluna. Fram til 1972 sat KÍ á føroyskum fótbólti, síðani tók HB yvir fram til 1990. KÍ átti 1990’ini saman við GÍ, meðan HB hevur sitið á tí mesta hesa øldina fram til fyri fáum árum síðani. Seinastu tvey árini hevur KÍ verið sterkari enn HB, og stuttligt verður at síggja, hvussu verður í ár. HB vann 5-1 á KÍ seinasta venjingardyst, so okkurt bendur á, at HB ætlar sær nakað í ár. Men hinvegin hevur KÍ eitt sterkt lið aftur í ár, og nú teir ikki hava fingið vant fyri kava, so vænti eg, at leikararnir eru tendraðir uppá at sleppa at spæla sunnudagin, sigur John William Joensen.
HB og KÍ spæla í Gundadali sunnudagin kl. 15.00.
