Mjølnir fær vitjan av Fleyr. Dysturin kann fáa sera stóran týdning fyri, hvør kemur í finaluna.
Menninir hjá Mjølnir eru á 2. plássi undan dystinum, meðan Fleyr er á 3. plási. Sostatt kappast hesi um at koma í FM finaluna móti ÍF, sum er greitt oddalið. Mjølnir er undan kvøldsins dysti 2 stig frammanfyri Fleyr við einum dysti færri. Tað merkir, at vinnarin í kvøld leggur seg á 2. plássið. Mjølnir hevur 4 dystir eftir at spæla og Fleyr 3 dystir.
Dysturin í Klaksvíkar Badmintonhøll byrjar í kvøld kl. 19.30.
