KÍ fekk eitt spennandi ítróttarligt lutakast.
KÍ skal spæla ímóti Birkirkara frá Malta.
Fyrri dysturin er á útivølli 28. juni og seinni dysturin á heimavølli 5. juli. Hóast tað ikki ljóðar kanska sum sterkasta liðið, so hevur Birkirkara fingið góð úrslit seinastu árini. Í fjør kom liðið til triðja umfar eftir at hava vunnið samnlagt móti liðum úr Bosnia-Herzegovina og Skotlandi. Í 2016 kom liðið til næsta umfar, har liðið vann annan dystin móti West Ham úr Onglandi, men tapti samanlagt uppá brotssparkskapping.
