Munandi fleiri føroyingar verða føddir um heystið enn um várið. Flest hava føðingardag tann 23. september, meðan fæst hava føðingardag tann 20. februar. Hetta eru nakrir av teim áhugaverdu upplýsingunum, ið eru skrásettar í landsfólkayvirlitisskránni.
Munandi fleiri føroyingar verða føddir um heystið enn um várið. Flest hava føðingardag tann 23. september, meðan fæst hava føðingardag tann 20. februar. Hetta eru nakrir av teim áhugaverdu upplýsingunum, ið eru skrásettar í landsfólkayvirlitisskránni.
Landsfólkayvirlitisskráin er ein av teim føroysku grundskráunum, sum verður umsitin av Umhvørvisstovuni; og av og á verða ymisk hagtøl av almennum áhuga tikin úr skránni. Tann 8. februar í ár gjørdi Umhvørvisstovan eina støðumynd av, hvørjar dagar í árinum føroyingar eru føddir. Henda dagin vóru 48.186 skrásett at búgva í Føroyum.
Um javnt var býtt, høvdu 132 føroyingar havt føðingardag hvønn dag. Men soleiðis er tað ikki – als ikki. Hagtølini vísa nevniliga, at munandi fleiri føroyingar verða føddir um heystið enn um várið. Flest verða fødd í seinnu helvt av september og fyrru helvt av oktober. Og fæst verða fødd í mars mánaði.
