Fíggjarnevnd býráðsins hevur á fundi í morgun sett Palla Ziskason í starvið sum vinnu- og mentanarstjóri. Starvið er tíðaravmarkað til fimm ár.
Fíggjarnevnd býráðsins hevur á fundi í morgun sett Palla Ziskason í starvið sum vinnu- og mentanarstjóri. Starvið er tíðaravmarkað til fimm ár.
Søkt hevur verið eftir vinnu- og mentanarstjóra. Umsóknarfreistin var úti 11. mars, og inn komu átta umsóknir. Á fundi í morgun tók ein samd fíggjarnevnd undir við at seta Palla Ziskason í starv sum vinnu- og mentanarstjóra.
Palli Ziskason er 47 ára gamal og býr í Klaksvík. Palli hevur HD útbúgving í altjóða búskapi og virkisleiðslu frá Copenhagen Business School. Hann hevur drúgvar royndir innan bankaheimin, nevndararbeiði og innan ráðgeving sum sjálvstøðugur vinnurekandi umframt at hava undirvíst á miðnámsskúlastøði.
