Í kvøld skipar Treysti fyri kapping á Tórsbreyt

Tað er FÍF (Frælsur Ítróttur Føroya), sum saman við feløgunum fyri frælsan ítrótt, íð skipa fyri Grand Prix á breyt. Í hvørjum Grand Prix umfari verður kappast í spurti, miðteini, lop og kast. Bólkarnir eru fyri gentur og dreingir í aldrunum 8-9 ár, 10-11 ár, 12-13 ár, 14-15 ár, 16-17 ár, 18-19 ár og 20 ár og eldri. Stig verða givin í hvørjum umfari. Heiðursmerkir verða latin til tey, sum hava vunnið sær flest stig eftir øll trý umførini. Børn 5-7 ár sleppa at royna seg í einari grein hvørja ferð, man kappast tó ikki.

Til Grand Prix kappingina í kvøld eru omanfyri 300 startir tilmeldaðir. Kappingarnar byrja kl. 18.30 og enda beint eftir kl. 22.00. Greinarnar sum eru á skránni í kvøld eru:

Treysti hevur í øllum umførunum havt fleiri íðkarar við, sum hava staðið seg væl. Fleiri teirra fara at koma norður aftur við heiðursmerkjum, sum verða handaði leygardagin.

Av tí at umstøður ikki eru, at venja frælsan ítrótt í Klaksvík, so hevur Treysti leigað buss út á Svangaskarði hvønn mánadag síðani í byrjanina av mai. Harumframt hava tey eisini mikudagar verið úti á Svangaskarði og trenað, men tá hava foreldur koyrt.

Treysti hevur rennarar, sum bæði skulu uttanlanda við Oyggjaleikalandsliðnum og ungdómslandsliðnum í summar, og tí er nærmasti møguleiki fyri venjing á breyt, at koyra út á Svangaskarð, men í longdini er tað als ikki ein haldbar støða fyri felagið.