Fyri løtu síðani vóru vit í samband við sýslumannin, Karl Johansen, sum í løtuni er á Viðvík. “Vit hava fingið seinastu hvalirnar av sandinum, og Dýrindal fer nú at sleipa teir inn á Hvannasund”.
Fyrst gekst sera skjótt við grindadrápinum, og síðani hevur eisini gingið skjótt at fáa hvalirnar av aftur sandinum á Viðvík og sleipaðar inn á Norðdepil”, sigur Karl Johansen, sýslumaður.
Nakrir bátar eru farnir frammanundan við hvalum, ímeðan vit hava hongt einar 30 hvalir uppá síðuna á Dýrindal, og hann fer nú inn á Sundið við teim seinastu. Síðani verður merkt og býtt, helst bert til økið eystan Múlan, sigur sýslumaðurin.
