Nú hevur nógv verið skrivað um føroyska miðla marknaðin nú Dimma gav upp anda. Hugsjónarliga er miðlahúsið beinleiðis stýrt av Javnaðarflokkinum og hava vit ferð eftir ferð upplivað hvussu politisku oddagreinarnar hava beinleiðis verið negativar og kanska óreinar tá talan hevur verið um at gera almennar íløgur uttan fyri høvuðsstaðin. Ábyrgdarblaðstjórin hevur fleiriferðir mælt løgtinginum til at viðgera sokallaðar dubultfunktiónir við tí einoygda málinum at niðurleggja Klaksvíkar Sjúkrahús, fyri at nevna eitt týðandi mál.
Nú hevur nógv verið skrivað um føroyska miðla marknaðin nú Dimma gav upp anda. Hugsjónarliga er miðlahúsið beinleiðis stýrt av Javnaðarflokkinum og hava vit ferð eftir ferð upplivað hvussu politisku oddagreinarnar hava beinleiðis verið negativar og kanska óreinar tá talan hevur verið um at gera almennar íløgur uttan fyri høvuðsstaðin. Ábyrgdarblaðstjórin hevur fleiriferðir mælt løgtinginum til at viðgera sokallaðar dubultfunktiónir við tí einoygda málinum at niðurleggja Klaksvíkar Sjúkrahús, fyri at nevna eitt týðandi mál.
| Fyri kortum gav blaðstjórin á Sosialinum – borgarstjóranum í Havn viðhald í at høvuðsstaðurin ”ongan góðan” átti í politisku skipanini. Hetta samstundis sum tað almenna komandi árini brúkar hundratals milliónir sum allar fella niður í grannalagnum hjá miðlahúsinum. ”Fleiri politikarar síggja tað sum eina dygd at vera ímóti Havnini – og síggja eina æru í at draga stovnar úr Havnini og út á bygd. Hetta »bragd« hava fleiri gjørt…….Og í landsstýrinum í dag sita eisini fleiri, sum pontentielt vilja draga skattakrónur úr høvuðstaðnum – bara tað er til okkurt úti á bygd….
….Soleiðis kunnu vit gita, at íløgur helst fara at verða gjørdar í vegakervi í Eysturoy,… Klaksvíkar Sjúkrahús verður tikið fram um landssjúkrahúsið, og Tekniski Skúli í Klaksvík fram um skúladepil í Marknagili, og vit fara óiva næstu dagarnar at síggja eitt eljustríð millum samgongupolitikarar um skattakrónur, sum skulu dragast higar og haðar….. Miðlahúsið sum er einasta stóra privat miðlafyritøka í landinum í løtuni, hevur annars eina sera dugnaliga leiðslu sum hevur flutt og tillaga seg so hon í dag er ein stór og sera fjøltátta fyritøka – men hugsjónarliga støðutakanin í Javnaðarflokkinum og í miðøkinum er sera óheppin og trupul at skilja. Ein av stóru undirstreymunum í samband við ógvusligu øsingina um tunnilsmálið, er at í dag búgva 40% av føroyingum í høvuðsstaðnum og fyri hesi hava íløgur i skúlar og undirstøðikervið kring landið ikki tann stóra áhuga: “Tað sum ein ikki sær verður ikki hugsa so nógv um”. So er spurningurin um tað almenna skal spæla meira við men tað hava vit her á Norðlýsinum ongantíð mælt til – tí í grundini spennir tað almenna alt ov vítt í dag og vit áttu tí heldur lagt á annan bógv og fingið privatisera størri part av almennu fyritøkunum, sum í dag fyri størsta partin verða stýrdar úr miðøkinum. |
