Heinesen hevur einans umboðað KÍ og ger tað framhaldandi í 2014.
Henry Heinesen hevur í dag gjørt nýggjan sáttmála við KÍ.
Henry Heinesen spældi í ár tilsamans 19 dystir í Effodeildini, har hann byrjaði inni í 8 av teimum. Fyri tað mesta spældi hann sum verjukendur miðvalla leikar. Og nú hevur hann so gjørt nýggjan sáttmála við KÍ. Tað fegnast høvuðspersónurin sjálvur um.
– Eg eri glaður fyri at hava longt við KÍ. Onnur feløg vístu áhuga, men tað var ongantíð nakar ivi fyri mín part um, hvar eg skuldi spæla næsta ár. Árið í ár skal ikki endurtaka seg hjá KÍ og nú skulu vit arbeiða hart fyri at koma hægri upp á stigatalvuna næsta ár. Tað eiga vit at hava allar møguleikar fyri, tí hópurin er góður, segði Henry Heinesen eftir at sáttmálin við KÍ var gjørdur.
Heðin á Lakjuni fekk leikbann í ein dyst og er sostatt tøkur til dystin á Skála í morgin.
