Klaksvíkar Dartfelag hevði í gjár eina stóra kapping í nýggju og snotuligu hølum felagsins. 34 dartspælarar úr øllum landinum vóru tilmeldaðir.
Dagurin byrjaði við at Jóhann Lútzen byraðslimur bjóðaði vælkomin og sannførdi allar luttakararnar við síni vitan um dartskivuna og dartspælið. 6 kvinnur vóru tilmeldaðar og var har kappast í Mickey Mouse. Liljan Jacobsen úr KDF og Eydna Vestergaard úr HDF komu í finaluna. Finalan gjørdist ein ordiligur gysari og vann Liljan 2-1. Hja monnunum vóru 28 spælarar og vóru teir deildir í 4 bólkar við 7 í hvørjum. Spælt var spæli 501 (double in) ið merkir, at ein skal raka ein double fyri at koma inn í spælið. Remy G. Hansen úr Æðuvík og Uni Árting úr HDF komu í finaluna og vann Remy hana 5-2. Nr. 3 gjørdust Bogi Isaksen úr KDF og Esmar Mikkelsen úr Gøtu. Tvímansleikin vunnu Remy G. Hansen og Esmar Mikkelsen í finaluni á Una Árting og Naldo.
Úrslit, kvinnur:
Nr. 1: Liljan Jacobsen KDF
Nr. 2: Eydna Vestergaard HDF
Nr. 3 Judit Eliasen KDF og Hanna Nielsen KDF
Menn:
Nr. 1 Remy G. Hansen Æðuvík
Nr 2 Uni Árting HDF
Nr 3 Bogi Isaksen KDF og Esmar Mikkelsen Gøtu
Tvímansleikur:
Nr 1. Remy G Hansen / Esmar Mikkelsen Æðuvík/Gøtu
Nr 2. Uni Árting / Naldo HDF
Nr 3. Haldor Ellingsaard / Hanni Ellingsgaard Fuglafjørður og Bárður Olsen / Henning Thomsen HDF
Kelda og myndir: Klaksvíkar Dartfelag
