Høvuðsvenjarin hjá meistarunum í 2013 hevur fingið nýtt starv.
AB heimasíðan skrivar soleiðis:
Síðani Bill Mc Leod var settur sum venjari hjá AB, hevur verið gitt um, hvør mundi fara at vera hjálparvenjari hansara.
Í dag gjørdist greitt, at Oddbjørn Joensen verður hjálparvenjari hjá AB hetta kappingarárið. FC Argir og Oddbjørn undirskrivaðu í dag 1-ára sáttmála. Sostatt verður Oddbjørn aftur at síggja á Argjum, eftir at hann var høvuðsvenjari hjá AB í 2007, sum var fyrst árið, AB var í fremstu deildini.
