Champions League: Tað var aftur í ár Bayern Munchen, ið stóð sum vinnarin ímóti Arsenal í fyrru áttandapartsfinaluni. Endaliga støðan gjørdist 0-2 til útiliðið. Tvey brotsspørk í part og reyttkort til Arsenal í fyrra hálvleiki, men málini komu ikki fyrrenn í seinna hálvleiki.
Champions League: Tað var aftur í ár Bayern Munchen, ið stóð sum vinnarin ímóti Arsenal í fyrru áttandapartsfinaluni. Endaliga støðan gjørdist 0-2 til útiliðið. Tvey brotsspørk í part og reyttkort til Arsenal í fyrra hálvleiki, men málini komu ikki fyrrenn í seinna hálvleiki.
Tað gjørdist talan um ein dramatiskan fyrra hálvleik, hóast hann endaði 0-0. Tvey brotsspørk í part og reytt kort til málmannin hjá Arsenal, sum eisini var upp á sítt pláss.
Fyrri hálvleikur
Arsenal legði annars út sum eitt óløgi. Í áttanda minutti fekk og brendi Øzil brotsspark. Stutt eftir tóku týsku gestirnir yvir, og trýstu Arsenal langt aftur á vøllin. Arsenal fekk tó einkultar kontramøguleikar, sum meir skuldi spurt burturúr.
Í 38’ minutti lyfti Kroos hegnisliga bóltin inn um verjuna hjá Arsenal. Arjen Robben fær prikað bóltin framvið Wojciech Szcz¨TM)sny, men málmaðurin er óheppin og fellur Robben. Brotsspark og reytt til Szcz¨TM)sny. – Alaba varð settur at skjóta, men stongin bjargaði Arsenal.
Seinni hálvleikur
Í øðrum hálvleiki hevði Arsenal ikki nógv at gera við tíggju monnum. Bayern stýrdi restina av dystinum. – Tað kann til stuttleikar viðmerkjast, at 60.001 áskoðarar vóru til dystin í kvøld. Í seinna hálvleiki var málmaðurin hjá Bayern, Emanuel Neuer millum áskoðararnar, kunnu vit siga.
Í 54’ minutti bragdaði hjá Bayern. Teir broderað verjuna hjá Arsenal eitt sindur og endin er at bólturin kemur út til Toni Kroos, sum hamrar bóltin upp í nærmasta horn; dygst uttan fyri sekstanmeturin. 0-1.
Týskarnir høvdu tó trupult at evna til teir heilt stóru kjansirnar ímóti einum Arsenal-liðið, sum veruliga arbeiddi fyri sakini. Men í 88’ minutti kom bólturin inn fyri til Thomas Müller, sum heldur ótarnaður slapp at skalla bóltin í málið til endaligu støðuna 0-2.
Áttandapartsfinalur í kvøld 19. februar:
Arsenal-Bayern M. (0-0) 0-2
Milan-Atletico Madrid (0-0) 0-1
83’: Diego Costa
LES EISINI: Arsenal størstu avbjóðingina
