Dagurin ídag, royndist eisini væl hjá Kallanes. Teir leggja júst veiðuna upp og Eyðólvur Vang, skipari sigur, at teir hava um 9000 pund av góðum stórum toski. Hetta hevur verið eitt sera gott vikuskiftið hjá Kallanes. Leygardagin avreiddu teir 17.700 pund, sunnudagin 8.300 pund og ídag gott 9.000 pund. Prísurin er góður, teir rokna sær einar 14 krónur í meðal fyri hesar tríggjar túrarnar, so samanlagt fer at nærkast kvart millión fyri hetta vikuskiftið. Spurdur, nær teir seinast hava gjørt eitt so gott vikuskiftið, sigur Eyðólvur Vang, at um hesa tíðina í fjør gjørdi Kallanes eisini eitt gott vikuskiftið. Kallanes hevur roynt á várleiðini norðanfyri hetta vikuskiftið.
