Nú tilboðini at umbyggja/umvæla Klaksvíkar Sjúkrahús eru latin upp, ljóðar, at tilboðini eru nakað hægri enn mett. Spurningurin er tí, um landsstýrismaðurin, nú beinanveg, ferð at útvega neyðuga peningin. Um arbeiðið skal byrja sum ætlað, síðst í hesum mánaðinum, er neyðugt at fíggingin fæst uppá pláss sum skjótast.
Nú tilboðini at umbyggja/umvæla Klaksvíkar Sjúkrahús eru latin upp, ljóðar, at tilboðini eru nakað hægri enn mett. Spurningurin er tí, um landsstýrismaðurin, nú beinanveg, ferð at útvega neyðuga peningin. Um arbeiðið skal byrja sum ætlað, síðst í hesum mánaðinum, er neyðugt at fíggingin fæst uppá pláss sum skjótast.
Øll, her í økinum, vita, at henda umbygging bert er tað næstbesta. Her er ongin ætlan við framtíðini hjá sjúkhúsinum og upphæddin, ið er avsett til umbygging og umvæling, er sera lág, tá ið ein hugsar um, hvussu gamal og ófunktionellur, stórur partur av bygninginum er. Vit kunnu samanlíkna 15 milliónir til Klaksvíkar Sjúkhús, har fittur partur longu er brúktur, við, at heimið á Sýnuni fekk omanfyri 30 milliónir til viðlíkahald.
Um landsstýrismaðurin bert velur, at samráðast um at fáa spart innkomnu tilboðini, enn longur niður, er vandi fyri, at tann næstbesta loysnin gerst enn verri.
Samgongan hevur fráboðað, at ein eykajáttan verður løgd fyri tingið í komandi viku, so møguleikin at útvega meir pening til sjúkhúsið, beinanvegin, er har. Mín áheitan til Karsten Hansen skal tí verða, fá útvega neyðuga peningin nú, og set síðan út í kortið, hvat framtíðin hjá Klaksvíkar Sjúkhúsi skal vera.
Eyðgunn Samuelsen, løgtingskvinna.
