Kappróður á Eystanstevnu: Tað var Blikur av Argjum, sum vann 5-mannafarsróðurin í dag. Fípan úr Klaksvík kom í hølunum og endaði á øðrum plássi. Blikur hevði yvirtakið í dag og róðu ein sannførandi róður. Dreingirnir av Argjum vóru so at siga á odda allatíðina.
Kappróður á Eystanstevnu: Tað var Blikur av Argjum, sum vann 5-mannafarsróðurin í dag. Fípan úr Klaksvík kom í hølunum og endaði á øðrum plássi. Blikur hevði yvirtakið í dag og róðu ein sannførandi róður. Dreingirnir av Argjum vóru so at siga á odda allatíðina.
Fípan Fagra, sum hevur vunnið tveir teir undanfarnu róðrarnar, fekk ikki eina góða byrjan, men blandaði seg skjótt í stríðið um fyrstapláss.
Men tað var tann reyði báturin av Argjum, ið vildi tað øðrvísi í dag. Fípan megnaði ongantíð at koma fram um stevnið á Bliki. – Hesir báðir løgdu skjótt sjógv í millum seg og hinar bátarnar.
Blikur og Fípan fylgdust allanvegin inn á málstrikuna.
Men í endaspurtinum tóku teir á Bliki nøkur megnartøk og komu enn longur fram um kappingarneytan úr Klaksvík. Tað endaði so statt við at Blikur vann við einum góðum sekundi.
Tíðirnar:
1. Blikur 05.20.04
2. Fípan Fagra 05.21.24
3. Frúgvin 05.26.22
