Málið um Næraberg hevur skapt diplomatiska kreppu millum Føroyar og Ísland.
Málið um Næraberg hevur skapt diplomatiska kreppu millum Føroyar og Ísland.
Næraberg er komin at bryggju í Reykjavík, og menninir sum skuldu heim eru slopnir avstað við flogfarinum.
Gunnar Holm-Jacobsen, deildarstjóri í uttanríkistænastuni, váttar fyri Norðlýsinum, at teir hava biðið íslendska sendiharran um eina frágreiðing av handfaringini av Nærabergi.
Uttanríkistænastan hjá løgmanni metir, at íslendska stjørnin hevur framt brot á Hoyvíkssáttmálan og tí hevur føroyski sendimaðurin í Reykjavík biðið um eina frágreiðing. Viðfaringin av Nærabergi í Íslandi er komin illa við hjá føroysku myndugleikunum og tí er ein diplomatisk kreppa undir uppsigling millum Føroyar og Ísland.
Fleiri viðmerkingar eru ikki frá føroysku myndugleikunum í løtuni.
