KAVAMYNDIR: Sum kunnugt hevur landið ligið í andaleypi seinasta samdøgrið av nógva kavanum, sum er komin niður síðani gjáramorgunin.
KAVAMYNDIR: Sum kunnugt hevur landið ligið í andaleypi seinasta samdøgrið av nógva kavanum, sum er komin niður síðani gjáramorgunin.
Roknast kann við, at tað gongur meginparturin av degnum í dag–fríggjadag–áðrenn koyrandi verður allastaðni kring landið. Serliga er tað ringt á Vestmannavegnum, á Hálsi í Sandavági, við Norðskálatunnilin og víðari út móti Skálafjørðinum. Fyrbils er bert eitt spor ruddað í Sundalagnum, so heldur ikki har er ráðiligt at koyra, tí vandi er fyri, at ferðsluproppur kemur í.
Landsverk ræður fólki frá at fara í bilin og nærkast hesum økjum, tí fyri tað fyrsta er hetta ikki vandaleyst, og í øðrum lagi er tað til stóran ampa og tarnar kavaruddingararbeiðinum.
Frægari stendur til í Norðoyggjum og í syðra parti av landinum; t.e. í Sandoy og Suðuroy.
Her eru nakrar myndir, sum maskinførarar hjá Landsverki hava tikið seinasta samdøgrið.
