Fólkaheilsuráðið og Miklagarður fara næstu fimm vikurnar at samstarva um eina verkætlan, har góður matur er í miðdeplinum. Talan er um fimm ymisk evni, eitt um vikuna. Hesi eru fullkorn, soltið kjøt, frukt og grønt, fiskur og so tað søta.
Í Miklagarði verður ein básur, har kostkøn frá Fólkaheilsuráðnum er til taks at svara spurningum, eisini verður kundin drigin inn í átakið, soleiðis at hann fær høvi at svara spurningum og harvið vera við í kappingini um ein spennandi vinning, ið verður lutaður burtur. Eisini verða nakrar smakkiroyndir.
Tað er Durita Poulsen, sum í løtuni er starvslesandi hjá Fólkaheilsuráðnum, sum verður at síggja í Miklagarði hesar dagarnar. Durita er ættað úr Hvannasundi og lesur í Keypmannahavn.
Farið verður eisini út um Havninia við átakinum, so fólk kring landið eisini kunn fáa gleði og gagn av tí.
