Heili 7 mál komu í toppdystinum í Klaksvík millum KÍ og HB hjá U14 dreingjum.
HB fekk mál beinanvegin í dystinum og í 13. minutti økti útiliðið til 2-0. KÍ fekk minkað um minin áðrenn hálvleik, men í yvirtíðini av fyrra hálvleiki økti HB til 3-1. Sum heild var HB vandamiklara liðið í fyrra hálvleiki og dugdi væl at spæla skjótt og gott spæl, tá KÍ misti bóltin í uppspælinum. Í seinna hálvleiki var talan um ein javnan dyst, har HB skoraði 2 mál og KÍ 1 mál. Bæði liðini høvdu aðrar møguleikar, men málverjarnir stóðu væl. Endaliga støðan gjørdist sostatt 5-2 til HB, sum nú er oddalið í U14 kappingini við fullum stigatali.
KÍ-HB 2-5 (1-3)
0-1: Sveinur L.Olsen, 2. min.
0-2: Hanus Sørensen, 13. min.
1-2: Ari M. Jacobsen, 33. min.
1-3: Hanus Sørensen, 35. min.
1-4: Hanus Sørensen, 46. min.
1-5: Símun Sólheim, 61. min.
2-5: Ari M. Jacobsen, 65. min. (br)
KÍ: Fríðálvur Klakk – Suni Djurhuus, Hans Jacob Mellemgaard, Martin Baldvinsson – Jákup I. Beck, Ari M. Jacobsen, Óli E. Poulsen, Jonn Johannessen – Børge Petersen. Seinnu komu Kristian S. Eliasen og David Matras á vøllin. Janus Skaale var eisini í hópinum.
HB: Bjarti Vitalis Mørk, Regin í Geil Jacobsen, Petur Ovi H. Dam, Jónas Rasmussen, Aksel Olsen, Símun Sólheim, Sveinur L.Olsen, Hanus Sørensen, Poul Kjartan H. Horsdal. Seinni komu Jóhan H. Joensen og Dánjal Reginson á vøllin.
