Valevnislistarnir til fólkatingsvalið hósdagin 18. juni 2015 skulu verða formanninum fyri fólkatingsvalnevndini í hendi seinast sunnudagin 7. juni 2015 kl. 18.00.
Sagt verður frá, at sambært vallógini skal valevnislistin verða undirskrivaður av valevninum við upplýsing um fult navn, føðingardag, starv og fullan bústað. Á valevnis listanum skal eisini verða upplýst navn og bústaður á einum veljara (tlf. nr.), sum fólkatingsvalnevndin, umframt valevni, kann venda sær til, um villa er í valevnislistanum o.a.
Valevni, ið vil stilla upp fyri flokk (sum erum boðaður á Føroya Løgtingi), skal upplýsa hetta á valevnislistanum. Í seinasta lagi mikudagin 10. juni 2015 kl. 18.00, skulu flokkarnir boða fólkatingsvalnevndini frá, hvørji valevni flokkurin góðkennir. Fráboðanin skal fyri hvørt góðkent valevni innihalda upplýsing um navn, føðingardag og fullan bústað á hesum. Valevni, sum ikki verða góðkend av viðkomandiflokki, kunnu ikki stilla upp til valið. Um góðkenning ikki fyri liggur, kann einki valevni stilla upp fyri flokkin.
Valevni,ið stilla upp uttanflokka, skulu upplýsa hetta á valevnislistanum (tlf. nr.). Valevnislistin skal eisini verða undirskrivaður av stillarum (av minst 150 og hægst 200 veljarum í Føroyum) við upplýsing um navn, føðingardag, starv og fullan bústað teirra.
Tórshavn 28. mai 2015
Fólkatingsvalnevndin fyri Føroyar
Olaf á Stongunum, fm.
í Brekkuni 9
FO-100 Tórshavn
Tlf. nr. 314691 ella 214691
