Næmingar úr 3. flokkunum í Klaksvík gróðursettu trø í morgun niðanfyri ruskmóttøkuplássið á Bumshamri.
Hjørdis Hávarsá, lærarinna, sum hevur fingið trøini til vega sigur, at Føroya Prent hevur staði fyri at lata trø til plantingar, til skúlarnar í Føroyum, tí var tað upplagt hjá okkum, at fáa nøkur ókeypis trø frá Føroya Prent at gróðurseta í Klaksvík, saman við næmingum.
Tað er Klaksvíkar Kommuna og býargartnarin, ið eisini hava verið inni í myndini. Býargartnarin hevur gjørt økið klárt til børnini at nýta til gróðursetingina.
Tað var hugni og ágrýtni at síggja á Bumshamri í morgun. Tað verður eisini spennandi hjá børnunum at fylgja við, hvussu fer at gangast trøunum, tey sjálvi hava gróðursett.
Eitt sera áhugavert átak.
