Sjálvandi eri eg fegin um at fáa eina væl meinta heilsu, men harmist um at hetta er komið honum sum bar heilsuna aftur um brekku, sigur Magni Arge í stuttari viðmerking.
Sjálvandi eri eg fegin um at fáa eina væl meinta heilsu, men harmist um at hetta er komið honum sum bar heilsuna aftur um brekku, sigur Magni Arge í stuttari viðmerking.
Við Norðlýsið sigur Magni at hann einki hevði við heilsanina at gera og sjálvur hoyrdi hann ill tað sum sagt varð.
Fyrr í dag skrivaðu vit hetta:
Flogskipari hjá Atlantic Airways fingið skrivliga ávaring fyri politiskan boðskap
Niels Mortensen, formaður í nevndini fyri Atlantic Airways, váttar fyri Norðlýsinum at eitt starvsfólk hevur fingið skrivliga ávaring frá leiðsluni eftir at hesin í tveimum førum hevði sent Magna Arge eina politiska heilsu umvegis hátalararnar í flogfarið á veg til og úr Keypmannahavn.
Vit taka slíkar kærur sera álvarsamt tí Atlantic Airways blandar seg ikki uppí politikk og tað gingu vit út frá at øll starvsfólk í felagnum vóru greið yvir.
Viðkomandi hevur fingið eina skrivliga átalu fyri tilburðin sum vísir at vit sum leiðsla taka kraftiga frástøðu til slíkt og samstundis hava vit kunna starvsfólk um at politikkur er ikki nakað sum Atlantic Airways blandar seg uppí.
Formaðurin í Atlantic Airways vil ikki siga hvat var sagt úr stýrhúsinum á flogfarinum, men sum Norðlýsið skilir fekk valevni hjá Tjóðveldi rósandi orð fyri tíðina sum stjóri fyri Atlantic Airways og ynskir um gott úrslitið á løgtingsvalinum. Talan var um tveir tilburðir og báðu ferð skal Magni hava nýtt høvið til at heilsað uppá ferðafólkini sum vóru í flogfarinum.
