Venjingardystur: Álopsmaskinan hjá NSÍ er stillað inn, nú kappingin byrjar um eina viku.
Venjingardystur: Álopsmaskinan hjá NSÍ er stillað inn, nú kappingin byrjar um eina viku.
NSÍ og ÍF spældu sín seinasta venjingardyst í kvøld við Løkin í Runavík. NSÍ vann heili 6-1. Toppskjúttin seinastu árini, Klæmint A. Olsen, skoraði 3 mál, Árni Frederiksberg 2 mál og nýggja stjørnuskotið, Petur Knudsen, 1 mál. Málið hjá ÍF skoraði Adeshina Lawal.
NSÍ byrjaði í eini 3-4-3 leikskipan soleiðis: Símun Rógvi Hansen – Monrad H. Jacobsen, Per Langaard, Jens Joensen – Jonleif Højgaard, Magnus H. Olsen, Petur Knudsen, Einar Tróndargjógv – Árni Frederiksberg, Klæmint A. Olsen, Pól Jóhannus Justinussen. Í seinna hálvleiki komu Jann Benjaminsen, Jannik Olsen og Jákup Andrias Gaardbo inn. NSÍ manglaði til hendan dystin Jóhan Jacobsen, Hákun Edmundsson, Harald Højgaard, Andras Frederiksberg og Nicolaj Kølert.
ÍF byrjaði við hesum liðnum í eini 4-1-3-2 uppstilling, har Kristoffur Jakobsen lá sum verjukendi sentrali miðvallarleikarin: Tóri Traðará – Leivur Joensen, Bogi R. Petersen, John Daniel Guðjonsson, Alex dos Santos – Andy Olsen, Kristoffur Jakobsen, Dánjal á Lakjuni, Ari Ó. Ellingsgaard – Clayton Soares, Adeshina Lawal. Hjá ÍF manglaðu m.a. Oliver Korch, Poul N. Mikkelsen, Jan Ó. Ellingsgaard og Karl Løkin í uppstillingini.
