Brennur tú fyri at skapa góð og virðilig kor fyri tann eldra borgaran, so er tað kanska tær, vit sóknast eftir.
Høvuðsuppgávan er:
· at tryggja óhjálpnum eitt gott og virðiligt lív/deyða
· at veita hjálp til framhaldandi at liva sítt egna lív
· at stuðla til sjálvbjargni í tann mun, tað er gjørligt
· at viðlíkahalda tær sosialu relatiónir, sum persónurin hevur
Tænasturnar í Norðoya Bú- og Heimatænastu (NBH) verða veittar heimabúgvandi borgarum, umframt borgarum, sum búgva á teimum fimm bústovnunum hjá NBH.
Á Heiminum við Vágna eru 3 eindir, 8 fólk búgva í hvørjari. Í Norðoya Røktarheimi eru deildirnar Uppistova og Niðristova við 14 fólkum á hvørjari eind. Í sambýlinum á Heygnum búgva 16 fólk. Í Sambýlinum í Bøgøtu búgva 8 fólk.
Heimið við Vágna
Søkt verður eftir:
· Sjúkrarøktarfrøðingi við setanarbrøki 0,7 at byrja skjótast møguligt.
· Avloysara fyri sjúkrarøktarfrøðing við setanarbrøki 0,8 at byrja skjótast møguligt til 31.12.16.
· Heilsurøktara við setanarbrøki 0,7 at byrja skjótast møguligt.
· Heilsuhjálpara við setanarbrøki 0,7 at byrja skjótast møguligt.
Arbeitt verður í skiftandi vaktum.
Norðoya Røktarheim
Søkt verður eftir :
· Avloysara fyri sjúkrarøktarfrøðing í varadeildarleiðarastarvi við setanarbrøki 0,8 at byrja 01.08.16 til 31.08.17. Arbeitt verður í dagvakt yrkadagar.
· Avloysara fyri sjúkrarøktarfrøðing við setanarbrøki 0,5 at byrja 01.06.16 til 15.08.17. Arbeitt verður í skiftandi vaktum.
Sambýlið á Heygnum
Søkt verður eftir:
· Heilsurøktara/heilsuhjálpara við setanarbrøki 0,75 at byrja sum skjótast. Arbeitt verður í skiftandi vaktum.
Sambýlið í Bøgøtu
Søkt verður eftir:
· Starvsfólki til køkin við setanarbrøki 0,625. Arbeitt verður í dagvakt yrkadagar. Um eingin við køksfakligari útbúgving søkir, tilskila vit okkum rætt til at seta annað starvsfólk.
Førleikakrøv til størvini
· Útbúgving svarandi til fakbólkarnar, lýst verður eftir
· Áhuga í at arbeiða við eldri borgarum
· Góð samstarvsevni
· KT-førleika á brúkarastøði
Vit kunnu bjóða
· Stórar fakligar avbjóðingar
· Eitt spennandi og sjálvstøðugt starv
· Gott samstarv við onnur fakfólk
Lønar- og setanartreytir
Lønar- og setanartreytir eru sambært sáttmála millum Fíggjarmálaráðið og avvarðandi yrkisfelag.
Nærri kunning um størvini fæst við at venda sær skrivstovuna hjá NBH, á tlf. 410000, yrkadagar millum kl 10-16 ella við telduposti til nbh@nbh.fo.
Umsókn, við avritum av prógvum v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.
Umsóknarfreistin til størvini sunnudagin 22. mai 2016.
