Fríggjakvøldið, 20. maj, fær Kórið í Christianskirkjuni forkunnuga vitjan úr Týsklandi.
Tað er Maedchenchor Hamburg, sum kemur á vitjan. Hetta er eitt gentukór frá Staatlichen Jugendmusikschule Hamburg.
Allar hava fingið sangundirvísing á musikskúlanum, sum hevur 4 kór, býtt upp í aldur- og førleikabólkar. Hetta gentukórið er tað mest framkomna av teimum 4 kórunum, sum musikskúlin hevur.
Í hesum sambandi verður konsert fríggjakvøldið kl. 19.30 við Maedchenchor Hamburg og Kórinum í Christianskirkjuni.
Kórið i Christianskirkjuni byrjar konsertina við nøkrum løgum, síðani fáa vit framførðslu frá Maedchenchor Hamburg.
Til seinast syngja bæði kórini 4 løg saman.
FRÍGGJAKVØLDIÐ, 20. MAJ, KL. 19.30 – KONSERT V/MAEDCHENCHOR HAMBURG OG KÓRINUM Í CHRISTIANSKIRKJUNI -HJARTALIGA VÆLKOMIN
