Tíðindaskriv – Uttanríkis- og vinnumálaráðið: Uttanríkis- og vinnumálaráðið hevur sett Niels Christian Nolsøe sum stjóra á Jarðfeingi.
Niels Christian Nolsøe er 58 ára gamal og útbúgvin civilverkfrøðingur (M.Sc. in electrical Engineering) frá Danmarks Tekniske Universitet.
Niels Christian Nolsøe hevur drúgvar leiðsluroyndir, og var stjóri á Elektron í góð 20 ár, eins og hann hevur hollar royndir innan verkætlanarleiðslu.
Hann hevur røkt starvið sum fyribilsstjóri á Jarðfeingi síðani 1. januar.
Seks umsøkjarar vóru til starvið.
